ଅଭିନେତ୍ରୀ ସାମନ୍ଥା ରୁଥ ପ୍ରଭୁ ଆଜିକାଲି ସୁଖୀ ଦାମ୍ପତ୍ୟ ଜୀବନ ବିତାଉଛନ୍ତି। ସ୍ବାମୀ ତଥା ଚଳଚ୍ଚିତ୍ର ନିର୍ମାତା ରାଜ ନିଦିମୋରୁଙ୍କ ସହ ସେ ହନିମୁନ୍ରୁ ଫେରିଛନ୍ତି। ନିକଟରେ ଏକ ସାକ୍ଷାତକାରରେ ନିଜ ହୃଦୟର କଥା କହିଛନ୍ତି ସାମନ୍ଥା। ପୂର୍ବତନ ସ୍ବାମୀ ନାଗା ଚୈତନ୍ୟଙ୍କଠାରୁ ଅଲଗା ହେବାପରେ ସମ୍ପୂର୍ଣ୍ଣ ଭାଙ୍ଗିପଡ଼ିଥିଲେ ସାମନ୍ଥା। ଏହି ସମୟରେ ରାଜ ତାଙ୍କୁ ସମ୍ଭାଳିଥିଲେ। ରାଜଙ୍କ ସହ ବନ୍ଧୁତା ଏବଂ ପ୍ରେମ ତାଙ୍କୁ ପୁଣି ଥରେ ପ୍ରେମରେ ବିଶ୍ୱାସ କରିବାକୁ ଶିଖାଇଥିଲା। ସାମନ୍ଥା କୁହନ୍ତି, ଯେତେବେଳେ ମୁଁ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲି। ସେତେବେଳେ ମୁଁ ଭାବି ନଥିଲି ଯେ ମୁଁ ଆଉ କେବେ କାହାକୁ ବିଶ୍ୱାସ କରିପାରିବି। କିନ୍ତୁ ଆଜି ମୁଁ ଗର୍ବିତ ଯେ, ରାଜ ମୋ ଜୀବନରେ ଅଛନ୍ତି।
ଏବଂ ନାଗା ଚୈତନ୍ୟ ୨୦୧୭ରେ ଭବ୍ୟ ବିବାହ କରିଥିଲେ। ବିବାହର ଚାରି ବର୍ଷ ପରେ ସେମାନେ ୨୦୨୧ରେ ଅଲଗା ହେବାକୁ ନିଷ୍ପତ୍ତି ନେଇଥିଲେ। ନାଗା ଚୈତନ୍ୟ ପରେ ୨୦୨୪ ମସିହାରେ ସୋଭିତା ଧୂଲିପାଲାଙ୍କୁ ବିବାହ କରିଥିଲେ। ଡିସେମ୍ବର ୧, ୨୦୨୫ ରେ ସାମନ୍ଥା ଏବଂ ରାଜ କୋଏମ୍ବାଟୁରରେ ବିବାହ କରିଥିଲେ।
